ថ្ងៃទី 21 មីនា 2025 - ចងក្រងដោយ CamboSwap DeSPIN ជាអ្វី? DeSPIN ឬ Decentralized Spatial Intelligence Network (បណ្តាញវៃឆ្លាតលំហវិមជ្ឈការ) គឺជាបច្ចេកវិទ្យាថ្មីមួយដែលកំពុងទទួលការចាប់អារម្មណ៍ខ្លាំង ជាមួយការរីកចម្រើននៃ Web3។ វារួមបញ្ចូលព័ត៌មានភូមិសាស្ត្រ (ទីតាំង) ជាមួយបរិបទបរិស្ថានដើម្បីជួយមនុស្សសម្រេចចិត្ត។ ដោយប្រើ blockchain DeSPIN អនុញ្ញាតឱ្យអ្នកប្រើប្រាស់ចែករំលែកទិន្នន័យពីជីវិតប្រចាំថ្ងៃ ដូចជារូបថតផ្លូវ ឬព័ត៌មានបរិស្ថាន ហើយរកលុយបានពីវា។ វាមិនត្រឹមតែជួយធ្វើផែនទី រៀបចំទីក្រុង ឬបង្កើតមនុស្សយន្តទេ ថែមទាំងបើកឱកាសរកប្រាក់តាមរបៀប “ចែករំលែកដើម្បីរកចំណូល”។ DeSPIN ដំណើរការយ៉ាងម៉េច? បច្ចេកវិទ្យានេះផ្អែកលើ Spatial Intelligence (ភាពវៃឆ្លាតលំហ) ដែលវិភាគទិន្នន័យពីពិភពពិត។ វាមាន 4 ជំហានសំខាន់៖ 1. ប្រមូលទិន្នន័យ: ប្រើឧបករណ៍ដូចជាកាមេរ៉ា GPS ឬទូរសព្ទដៃ ដើម្បីចាប់យកព័ត៌មាន។ 2. វិភាគទិន្នន័យ: ប្រើបញ្ញាសិប្បនិម្មិត (AI) ដើម្បីសិក្សាទិន្នន័យ និងបង្កើតមូលដ្ឋានទិន្នន័យ។ 3. បង្ហាញព័ត៌មាន: ភ្ជាប់ទិន្នន័យទៅបរិស្ថាន ដើម្បីបង្កើតផែនទី ឬរូបភាពដែលមើលឃើញ។ 4. ជួយសម្រេចចិត្ត: ផ្តល់ដំណោះស្រាយដូចជាការរកផ្លូវលឿន ឬជៀសឧបសគ្គ។ កម្មវិធីរបស់ DeSPIN DeSPIN មានកម្មវិធីជាច្រើនដែលកំពុងអភិវឌ្ឍ ដូចជា Alaya_AI, Gata_xyz, និង KrangHQ ដែលផ្តោតលើការប្រើប្រាស់ផ្សេងៗ។ ឧទាហរណ៍ អ្នកអាចថតរូបផ្លូវ ឬកត់ត្រាសីតុណ្ហភាពនៅផ្សារ ហើយចែករំលែកវាដើម្បីរកប្រាក់។ វាកាត់បន្ថយភាពលំបាកក្នុងការប្រមូលទិន្នន័យ និងលើកទឹកចិត្តឱ្យមនុស្សធម្មតាចូលរួម។ អនាគតរបស់ DeSPIN ទោះបី DeSPIN នៅដំណាក់កាលដំបូង ប៉ុន្តែវាមានសក្តានុពលធំ។ ជាមួយ AI និងឧបករណ៍ថ្មីៗដូចជាវ៉ែនតាឆ្លាតវៃ វាអាចប្រមូលទិន្នន័យលម្អិត (ដូចជាសំឡេង ឬទិដ្ឋភាព) និងបង្កើត “Train-to-Earn” (បណ្តុះបណ្តាលដើម្បីរកលុយ) ដែលអ្នករកបានរង្វាន់តាមគុណភាពទិន្នន័យ។ នេះអាចជំរុញបដិវត្តន៍បច្ចេកវិទ្យាថ្មី។ បញ្ហាប្រឈម ទោះយ៉ាងណា DeSPIN ក៏មានឧបសគ្គដែរ៖ - ភាពត្រឹមត្រូវ: ធ្វើម៉េចធានាថាទិន្នន័យពីមនុស្សច្រើននាក់ត្រឹមត្រូវ? - ឯកជនភាព: ធ្វើម៉េចការពារកុំឱ្យទិន្នន័យលេចធ្លាយ ឬរំលោភឯកជនភាព? - ការទទួលយក: តើក្រុមហ៊ុនធំៗនឹងទទួលយកទិន្នន័យបែបនេះទេ? ដំណោះស្រាយចំពោះបញ្ហាទាំងនេះនឹងកំណត់ថា DeSPIN នឹងរីកចម្រើនបានល្អប៉ុណ្ណា។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap