កាលពីយប់មិញ (ថ្ងៃទី 24 ខែមិថុនា ម៉ោងនៅខាងអាមេរិក) តម្លៃភាគហ៊ុនរបស់ក្រុមហ៊ុន Upexi (UPXI) បានធ្លាក់ចុះយ៉ាងគំហុកជិត 60% បន្ទាប់ពីបើកទីផ្សារ។ ការធ្លាក់ចុះនេះកើតឡើងក្រោយពេលដែលក្រុមហ៊ុនទើបតែបានទិញ Solana (SOL) ជិត $100 លានដុល្លារ។ តើអ្វីជាមូលហេតុ?

មូលហេតុធ្លាក់ថ្លៃ៖ ការលក់ភាគហ៊ុនច្រើនពេក យោងតាមឯកសារក្រុមហ៊ុន Upexi បានបង្ហាញថា អ្នកទិញភាគហ៊ុនមួយចំនួនធំចង់លក់ភាគហ៊ុនរបស់ពួកគេ។ របាយការណ៍នេះបានបង្កជាសម្ពាធលក់យ៉ាងខ្លាំងនៅពេលបើកទីផ្សារ ដែលធ្វើឲ្យតម្លៃភាគហ៊ុនធ្លាក់ចុះភ្លាមៗ។ យុទ្ធសាស្ត្រ Solana របស់ Upexi Upexi ហៅខ្លួនឯងថាជា "ក្រុមហ៊ុនរតនាគារគ្រីបតូ"។ ពួកគេបានប្រមូលលុយ $100 លានដុល្លារ ហើយយកទៅទិញ Solana (SOL)។ ក្រុមហ៊ុនរំពឹងថា SOL នឹងឡើងថ្លៃ ហើយពួកគេនឹងចំណេញពីការ Staking (ប្រហែល 7%-9%)។ ទោះជាអ្នកគ្រប់គ្រងក្រុមហ៊ុននៅតែមានទំនុកចិត្តលើយុទ្ធសាស្ត្រនេះក៏ដោយ ទីផ្សារហាក់មិនសូវជឿជាក់នោះទេ។ ហានិភ័យនៃការកាន់កាប់ Crypto ដោយក្រុមហ៊ុន ករណី Upexi នេះបានធ្វើឲ្យគេពិនិត្យឡើងវិញនូវហានិភ័យធំៗ 4 យ៉ាងសម្រាប់ក្រុមហ៊ុនដែលកាន់កាប់ Crypto៖ 1, តម្លៃ Crypto ប្រែប្រួលខ្លាំង៖ អាចឡើងចុះលឿន។ 2, តម្លៃភាគហ៊ុនក្រុមហ៊ុន និងតម្លៃ Crypto មិនស៊ីគ្នា៖ ទោះ Crypto ឡើង ក៏ភាគហ៊ុនមិនប្រាកដថាឡើងតាមដែរ។ 3,​ ការលក់ភាគហ៊ុនបន្ថែម៖ អាចធ្វើឲ្យតម្លៃភាគហ៊ុនធ្លាក់ចុះ។ 4, ច្បាប់មិនទាន់ច្បាស់លាស់៖ បទប្បញ្ញត្តិ និងគណនេយ្យសម្រាប់ Crypto នៅតែមិនច្បាស់។ អ្នកជំនាញថា បើទីផ្សារបាត់បង់ទំនុកចិត្តលើវិធីសាស្ត្រហិរញ្ញវត្ថុរបស់ក្រុមហ៊ុន តម្លៃភាគហ៊ុនអាចធ្លាក់យ៉ាងលឿន ទោះបីជា Crypto ផ្សេងទៀតដូចជា Bitcoin ETF កំពុងមានការចាប់អារម្មណ៍ក៏ដោយ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap