រូបសំណាក Satoshi នៅទីក្រុង Lugano ប្រទេសស្វីសត្រូវបានគេលួច ផ្តល់រង្វាន់ 0.1 BTC សម្រាប់ព័ត៌មាន

CamboSwap

2025-08-04

321 View

ទីក្រុង Lugano ក្នុងប្រទេសស្វីស ដែលត្រូវបានគេស្គាល់ថាជា "ទីក្រុង Bitcoin" ឥឡូវនេះកំពុងជួបការចាប់អារម្មណ៍ពីសហគមន៍គ្រីបតូ និងប្រជាជនក្នុងស្រុក បន្ទាប់ពីនិមិត្តរូបរបស់ខ្លួន គឺរូបសំណាកលោក Satoshi Nakamoto ត្រូវបានគេលួច។ រូបសំណាកនេះត្រូវបានបង្កើតឡើងដោយសិល្បករជនជាតិអ៊ីតាលីឈ្មោះ Valentina Picozzi ដែលជាអ្នកបង្កើតគម្រោង Satoshigallery។ រូបសំណាកនេះត្រូវបានគេរចនាឡើងដើម្បីតំណាងឱ្យអនាមិកកម្មរបស់ស្ថាបនិក Bitcoin។ ក្រុមការងារបានបង្ហោះសារលើ X (Twitter) ថារូបសំណាកនេះត្រូវបានគេលួចកាលពីថ្ងៃទី 2 ខែសីហា។ ពួកគេបានផ្តល់រង្វាន់ជា Bitcoin ចំនួន 0.1 សម្រាប់នរណាម្នាក់ដែលអាចផ្តល់ព័ត៌មានជួយរករូបសំណាកនេះបាន។ តាមរយៈការបង្ហោះរបស់អ្នកប្រើប្រាស់ X ម្នាក់ គេបានឱ្យដឹងថារូបសំណាកនេះនៅតែមានវត្តមាននៅយប់ថ្ងៃទី 1 ខែសីហា ដែលជាថ្ងៃបុណ្យជាតិរបស់ស្វីស។ គាត់បានសន្និដ្ឋានថា ការលួចនេះអាចនឹងពាក់ព័ន្ធនឹងមនុស្សវ័យក្មេងដែលជួបជុំគ្នានៅកន្លែងក្បែររូបសំណាកនោះ។ ក្រុមការងារ Satoshigallery បានប្តេជ្ញាថានឹងបន្តកសាងរូបសំណាកស្រដៀងគ្នានេះនៅក្នុងទីក្រុងយ៉ាងតិច 21 ជុំវិញពិភពលោក។ ពួកគេបានថ្លែងយ៉ាងដូច្នេះថា៖ “អ្នកអាចលួចនិមិត្តរូបរបស់យើង ប៉ុន្តែអ្នកមិនអាចលួចព្រលឹងរបស់យើងបានឡើយ”។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap

ប្រចាំសប្តាហ៍