នៅក្នុង​ពេលដែល ក្រុមហ៊ុន ជាច្រើន​កំពុង​ចាប់ផ្តើម វិនិយោគ​លើ​ទ្រព្យសកម្ម​គ្រីបតូ ក្រុមហ៊ុន​ចុះបញ្ជី របស់ ជប៉ុន ឈ្មោះ Value Creation (TYO: 9238) បាន​បង្ក​ឱ្យមាន ការ​ជជែក​វែកញែក ក្នុង​ទីផ្សារ​ដោយ ក្រុមហ៊ុន​បាន​សម្រេចចិត្ត លក់​ចេញ​ទាំងអស់ នូវ Bitcoin ចំនួន 22.36 កាក់ ដែល​ខ្លួន​បាន​កាន់កាប់​ក្នុងរយៈពេល​តិចជាង​ប្រាំមួយ​ខែ ដោយ​បាន ចំណេញ ប្រហែល 52 លាន​យ៉េន ។ យោងតាម CoinDesk Japan នៅ​ខែមីនា​ឆ្នាំនេះ ក្រុមប្រឹក្សាភិបាល​របស់ Value Creation បាន​សម្រេចចិត្ត​វិនិយោគ Bitcoin ជា “មធ្យោបាយ​ប្រើប្រាស់​បណ្តោះអាសន្ន”។ ពី​ខែមីនា​ដល់​ខែមិថុនា ក្រុមហ៊ុន​បាន​ចំណាយ​ប្រហែល 400 លាន​យ៉េន ដើម្បី​ទិញ BTC ។ ប៉ុន្តែ​នៅ​សប្តាហ៍​នេះ ក្រុមហ៊ុន​បាន​ប្រកាស​ជា​ផ្លូវការ​ថា ការ​កាន់កាប់​ទាំងអស់ ត្រូវ​បាន លក់​ចេញ​ហើយ ដោយ​ហេតុផល “ដើម្បី​បង្កើន​ប្រសិទ្ធភាព​ទ្រព្យសកម្ម”។ ការសម្រេចចិត្ត របស់ Value Creation គឺ​ខុសពី យុទ្ធសាស្ត្រ​ស្តុកទុក​រយៈពេល​វែង របស់​ក្រុមហ៊ុន​ផ្សេងទៀត​ដូចជា Metaplanet និង Strategy ដែល​ប្រើ Bitcoin ជា “មាស​ឌីជីថល​របស់​ក្រុមហ៊ុន”។ ករណី​នេះ​បង្ហាញ​ថា ការ​សម្រេចចិត្ត លើ ទ្រព្យសកម្ម​គ្រីបតូ មិនមែន​គ្រាន់តែ​ជា ការ​វិនិយោគ​ហិរញ្ញវត្ថុ នោះ​ទេ តែ​ក៏​ពាក់ព័ន្ធ​នឹង សាច់ប្រាក់​ងាយស្រួល, ការ​វាយតម្លៃ និង ទំនាក់ទំនង​ជាមួយ​ម្ចាស់ភាគហ៊ុន ផងដែរ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap