យោងតាម​របាយការណ៍​ថ្មី​មួយ​របស់ ធនាគារវិនិយោគ JPMorgan Chase បាន​ឱ្យដឹង​ថា តម្លៃ Bitcoin បច្ចុប្បន្ន​គឺ «ថោក​ពេក» ប្រសិនបើ​ប្រៀបធៀប​ទៅនឹង តម្លៃ​មាស។ របាយការណ៍​នេះ​បាន​លើកឡើង​ថា ភាព​ប្រែប្រួល​តម្លៃ របស់ Bitcoin បាន​ធ្លាក់ចុះ​យ៉ាង​ខ្លាំង​ទៅ​ដល់ កម្រិត​ទាប​បំផុត​ក្នុង​ប្រវត្តិសាស្ត្រ ដែល​បច្ចុប្បន្ន​មាន​ត្រឹមតែ ពីរ​ដង នៃ ភាព​ប្រែប្រួល​របស់​មាស ប៉ុណ្ណោះ។ ដោយ​គិតគូរ​ពី ការ​កែតម្រូវ​ភាព​ប្រែប្រួល​តម្លៃ ក្រុម​អ្នកវិភាគ​បាន​ប៉ាន់ស្មាន​ថា តម្លៃ Bitcoin ត្រូវ​ឡើង​ដល់ $126,000 ទើប​អាច​ស្មើ​នឹង តម្លៃ​វិនិយោគ​ឯកជន លើ មាស ដែលមាន​ទំហំ 5 ទ្រីលាន​ដុល្លារ។ របាយការណ៍​ក៏បាន​បន្ថែម​ថា ការ​ធ្លាក់ចុះ​នៃ​ភាព​ប្រែប្រួល នេះ​គឺ​ដោយសារ ក្រុមហ៊ុន​ធំៗ បាន​ចូល​ទិញ Bitcoin យ៉ាង​ច្រើន​សន្ធឹកសន្ធាប់ ដែល​បច្ចុប្បន្ន​កាន់កាប់​បាន​ជាង 6% នៃ បរិមាណ​ផ្គត់ផ្គង់​សរុប ហើយ​និន្នាការ​នេះ​នឹង​បន្ត​កើនឡើង​នាពេល​អនាគត។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap