ទិន្នន័យ GDP និង PCE អាមេរិកចេញហើយដែលធ្វើឱ្យ Bitcoin ធ្លាក់ក្រោម $110K

CamboSwap

2025-09-26

2114 View

យោងតាមការិយាល័យវិភាគសេដ្ឋកិច្ចរបស់សហរដ្ឋអាមេរិក (BEA) បានប្រកាសទិន្នន័យសេដ្ឋកិច្ចត្រីមាសទី 2 របស់ខ្លួននៅយប់ថ្ងៃទី 25 ខែកញ្ញា ឆ្នាំ 2025។ ទិន្នន័យសំខាន់ៗទាំងនេះបានបង្កឱ្យមានភាពប្រែប្រួលយ៉ាងខ្លាំងនៅក្នុងទីផ្សាររូបិយប័ណ្ណគ្រីបតូ៖ 1. ទិន្នន័យសំខាន់ៗដែលបានប្រកាស៖ • កំណើន GDP ត្រីមាសទី 2: ឡើងដល់ 3.8% ដែលខ្ពស់ជាងការព្យាករណ៍ (3.3%)។ នេះជាកំណើនលឿនបំផុតក្នុងរយៈពេលជិតពីរឆ្នាំ ដែលបង្ហាញថាសេដ្ឋកិច្ចអាមេរិកនៅតែរឹងមាំ។ • សន្ទស្សន៍ PCE សំខាន់ (Core PCE) ត្រីមាសទី 2: ឡើងដល់ 2.6% ដែលខ្ពស់ជាងការព្យាករណ៍ (2.5%)។ ទិន្នន័យនេះបញ្ជាក់ថាអតិផរណានៅតែបន្តមានសម្ពាធ។ • អ្នកស្នើសុំប្រាក់ជំនួយអ្នកគ្មានការងារធ្វើ: មាន 218,000 នាក់ ដែលទាបជាងការរំពឹងទុក (235,000 នាក់)។ 2. ផលប៉ះពាល់លើទីផ្សារគ្រីបតូ៖ • ភ្លាមៗបន្ទាប់ពីទិន្នន័យចេញផ្សាយ តម្លៃ Bitcoin បានធ្លាក់ចុះដល់ $110,850 ដុល្លារអាមេរិក ខណៈ Ethereum បានធ្លាក់ដល់ $3,924 ដុល្លារអាមេរិក។ នៅពេលសរសេររអត្ថបទនេះ តម្លៃ BTC បានងើបឡើងដល់ $111,636 ដុល្លារអាមេរិក ហើយ ETH បានឡើងវិញដល់ $4,000 ដុល្លារអាមេរិក ប៉ុន្តែ ETH នៅតែបន្តធ្លាក់ចុះ 4% ក្នុងរយៈពេល 24 ម៉ោង។ 3. ការរំពឹងទុកការកាត់បន្ថយអត្រាការប្រាក់: ទិន្នន័យដែលចេញមកបានធ្វើឱ្យការរំពឹងទុករបស់ទីផ្សារថា Fed នឹងកាត់បន្ថយអត្រាការប្រាក់ 0.25% នៅខែតុលាបានធ្លាក់ចុះពី 91.9% មកត្រឹម 83.4%។ ការធ្លាក់ចុះនៃការរំពឹងទុកនេះដោយសារតែសេដ្ឋកិច្ចអាមេរិកបង្ហាញភាពរឹងមាំជាងមុន ទោះបីជាទីផ្សារការងារមានសញ្ញាទន់ខ្សោយខ្លះក៏ដោយ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap

ប្រចាំសប្តាហ៍