លោក Yi Lihua ដែល​ជា​ស្ថាបនិក​មូលនិធិ Liquid Capital បាន​បង្ហោះ​សារ​នៅ​លើ​បណ្តាញ X (Twitter) ដោយ​បាន​ផ្តល់​អនុសាសន៍​អំពី​យុទ្ធសាស្ត្រ​វិនិយោគ​សម្រាប់​រូបិយប័ណ្ណ Ethereum (ETH) ក្នុង​ពេល​ដែល​ទីផ្សារ​មាន​ការ​ប្រែប្រួល​ខ្លាំង។ លោក Yi Lihua បាន​ចែករំលែក​បទពិសោធន៍​ផ្ទាល់ខ្លួន​ថា៖ "ខ្ញុំ​បាន​ទិញ​ចូល ETH នៅ​ពេល​ដែល​តម្លៃ​ត្រឹម $1,800 ដុល្លារ​អាមេរិក ហើយ​ក្រោយមក​ក៏បាន​លក់​ចេញ​នៅ​តម្លៃ​ប្រហែល $4,500 ដុល្លារ​អាមេរិក​កាលពី​ពេល​មុន"។ លោក​បញ្ជាក់​ថា "គ្មាន​អ្នក​ណា​អាច​ទិញ​បាន​តម្លៃ​ទាប​បំផុត ហើយ​លក់​បាន​តម្លៃ​ខ្ពស់​បំផុត​នោះ​ទេ"។ • តម្លៃ​ទិញ​ចូល (Buying Range): លោក​បាន​ណែនាំ​ឱ្យ​វិនិយោគិន​គួរ​ពិចារណា ទិញ​ចូល​ជា​ទ្រព្យ​សកម្ម​ជាក់ស្តែង (Spot) នៅ​ចន្លោះ $3,000 ទៅ $3,300 ដុល្លារ​អាមេរិក។ • ការ​ជៀសវាង​កម្ចី: លោក​បាន​ព្រមាន​ថា "កុំ​លេង​កិច្ចសន្យា (Futures) ឱ្យ​សោះ" ពីព្រោះ​ស្ថានការណ៍​ទីផ្សារ​នៅ​មិនទាន់​ច្បាស់លាស់​នៅ​ឡើយ។ ការ​វិភាគ​ពី​ស្ថានភាព​ទីផ្សារ: លោក​បាន​លើក​ឡើង​ថា នា​ពេល​ថ្មីៗ​នេះ ការ​ផ្លាស់ប្តូរ​គោលនយោបាយ​ដូចជា ការ​ដំឡើង​អត្រា​ការ​ប្រាក់​របស់​ជប៉ុន និង ការ​កាត់បន្ថយ​អត្រា​ការ​ប្រាក់​របស់​អាមេរិក រួម​ជាមួយ​នឹង​ការ​ធ្លាក់​ចុះ​នៃ​ទីផ្សារ​ភាគហ៊ុន​អាមេរិក​ដោយសារ​ពពុះ AI បាន​ធ្វើ​ឱ្យ ETH ធ្លាក់ ក្រោម $3,000 ដុល្លារ​អាមេរិក ក្នុង​រយៈពេល​ខ្លី។ លោក​បាន​សង្កត់ធ្ងន់​ថា "ភាព​ប្រែប្រួល​នៃ​ទីផ្សារ​គ្រីបតូ​គឺ​ធំ​គ្រប់គ្រាន់​ហើយ ដូច្នេះ​អ្នក​ដែល​មិនមែន​ជា​អ្នកជំនាញ​កម្រិត​កំពូល មិន​គួរ​ប្រើប្រាស់​កម្ចី​នោះ​ទេ"។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap