ថ្ងៃទី 23 ខែមីនា ឆ្នាំ 2026 – ទីផ្សារ Thailand Futures Exchange - TFEX បានប្រកាសផ្អាកការជួញដូរមាសតាមប្រព័ន្ធ Online (Gold Online Futures) ជាបណ្ដោះអាសន្ននៅថ្ងៃនេះ។ ការសម្រេចចិត្តនេះបានធ្វើឡើង បន្ទាប់ពីមានការប្រែប្រួលតម្លៃយ៉ាងគំហុកនៅក្នុងទីផ្សារ៖ • តម្លៃមាសធ្លាក់ចុះខ្លាំង៖ តម្លៃមាសក្នុងទីផ្សារអន្តរជាតិ (Spot Gold) បានធ្លាក់ចុះក្រោម $4,200 ក្នុងមួយអោន (Ounce) ដែលស្មើនឹងការធ្លាក់ចុះជាង 6% ក្នុងរយៈពេលត្រឹមតែមួយថ្ងៃ។ • មូលហេតុនៃការផ្អាក៖ ការប្រកាសផ្អាកនេះ គឺដើម្បីរក្សាលំនឹងទីផ្សារ និងការពារហានិភ័យដល់វិនិយោគិន ស្របពេលដែលតម្លៃមាសមានការដាំក្បាលចុះយ៉ាងខ្លាំងដែលមិនធ្លាប់មានក្នុងរយៈពេលចុងក្រោយនេះ។ • ស្ថានភាពទីផ្សារក្នុងតំបន់៖ ការធ្លាក់ចុះនៃតម្លៃមាសនេះ ក៏បានជះឥទ្ធិពលដល់ទីផ្សាររូបិយប័ណ្ណឌីជីថល និងទ្រព្យសកម្មផ្សេងៗទៀត ដែលកំពុងរងសម្ពាធពីកត្តាសេដ្ឋកិច្ចសកលផងដែរ។ បច្ចុប្បន្ន វិនិយោគិនកំពុងតាមដានយ៉ាងយកចិត្តទុកដាក់ ចំពោះការប្រកាសបើកឱ្យដំណើរការជួញដូរឡើងវិញពីសំណាក់អាជ្ញាធរពាក់ព័ន្ធរបស់ប្រទេសថៃ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap