ថ្ងៃទី 26 ខែមីនា ឆ្នាំ 2026 – រដ្ឋបាលលោកប្រធានាធិបតី Donald Trump បានឈានដល់ដំណាក់កាលចុងក្រោយនៃវិធានការរដ្ឋបាល ដើម្បីអនុញ្ញាតឱ្យគណនីសោធនិវត្តន៍ 401(k) របស់ពលរដ្ឋអាមេរិក អាចវិនិយោគលើរូបិយប័ណ្ណឌីជីថល និងទ្រព្យសកម្មផ្សេងៗទៀតបានជាផ្លូវការ។ ចំណុចសំខាន់ៗនៃគោលនយោបាយថ្មីនេះរួមមាន៖ • ការឆ្លងកាត់ការពិនិត្យពីសេតវិមាន៖ ក្រសួងការងារសហរដ្ឋអាមេរិក បានបញ្ចូនសំណើកែសម្រួលច្បាប់វិនិយោគ ហើយត្រូវបានសេតវិមាន (OIRA) ពិនិត្យចប់សព្វគ្រប់ ដែលជាជំហានចុងក្រោយមុននឹងប្រកាសប្រើប្រាស់ផ្លូវការក្នុងពេលឆាប់ៗខាងមុខ។ • លោក Donald Trump ជំរុញការបើកផ្លូវឱ្យមូលនិធិសោធនិវត្តន៍ 12 ទ្រីលានដុល្លារ អាចទិញរូបិយប័ណ្ណឌីជីថលទំហំសាច់ប្រាក់មហិមា៖ បច្ចុប្បន្ន មូលនិធិសោធនិវត្តន៍ 401(k) មានទំហំសរុបជាង 12 ទ្រីលានដុល្លារ។ ប្រសិនបើច្បាប់ថ្មីនេះចូលជាធរមាន វានឹងបើកឱកាសឱ្យសាច់ប្រាក់រាប់រយពាន់លានដុល្លារ ហូរចូលទៅក្នុងទីផ្សារ Bitcoin និងទ្រព្យសកម្មឌីជីថលផ្សេងទៀត។ • គោលបំណងនៃកំណែទម្រង់៖ វិធានការនេះធ្វើឡើងតាមបទបញ្ជាប្រតិបត្តិរបស់លោក Trump កាលពីខែសីហា ឆ្នាំ 2025 ដើម្បីកាត់បន្ថយរបាំងច្បាប់ដែលធ្លាប់រឹតត្បិតការវិនិយោគលើទ្រព្យសកម្មដែលមានហានិភ័យខ្ពស់ (Alternative Assets)។ • ការរំពឹងទុក និងការព្រួយបារម្ភ៖ ទោះបីជាអ្នកជំនាញរំពឹងថា វានឹងក្លាយជាកម្លាំងរុញច្រានតម្លៃ Bitcoin យ៉ាងខ្លាំងក៏ដោយ ក៏មានការរិះគន់ពីភាគីពាក់ព័ន្ធមួយចំនួន អំពីហានិភ័យនៃការបាត់បង់ប្រាក់សោធនិវត្តន៍របស់កម្មករ ដោយសារភាពប្រែប្រួលនៃតម្លៃទីផ្សារគ្រីបតូ។ តាមការគ្រោងទុក វិធានការនេះនឹងត្រូវដាក់ឱ្យសាធារណជនបញ្ចេញមតិក្នុងរយៈពេល 60 ទៅ 90 ថ្ងៃខាងមុខ ហើយរំពឹងថានឹងចូលជាធរមានពេញលេញនៅពាក់កណ្តាលទីពីរនៃឆ្នាំ 2026។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap