ភ្នំពេញ ថ្ងៃទី 27 ខែមីនា ឆ្នាំ 2026 – ធនាគារវិនិយោគយក្សរបស់អាមេរិក JPMorgan បានចេញរបាយការណ៍ចុងក្រោយបង្ហាញថា Bitcoin (BTC) កំពុងបង្ហាញភាពធន់ និងស្ថិរភាពខ្ពស់ជាងមាស និងប្រាក់ នៅក្នុងអំឡុងពេលដែលមានវិបត្តិភូមិសាស្ត្រនយោបាយនៅមជ្ឈិមបូព៌ា។ ចំណុចសំខាន់ៗនៃរបាយការណ៍រួមមាន៖ 1. Liquidity ទីផ្សារ៖ អ្នកវិភាគរបស់ JPMorgan បានបញ្ជាក់ថា Liquidity របស់មាសបានធ្លាក់ចុះយ៉ាងខ្លាំង រហូតដល់កម្រិតទាបជាង Bitcoin នាពេលបច្ចុប្បន្ន ដែលធ្វើឱ្យការប្រែប្រួលតម្លៃមាសមានភាពរង្គោះរង្គើខ្លាំង។ 2. ការដកទុនចេញពីលោហៈធាតុមានតម្លៃ៖ ក្នុងរយៈពេល 3 សប្តាហ៍ដំបូងនៃខែមីនា មូលនិធិ Gold ETF បានទទួលរងការដកទុនចេញរហូតដល់ 11,000 លានដុល្លារ។ តម្លៃមាសបានធ្លាក់ចុះប្រមាណ 15% ពីចំណុចខ្ពស់បំផុត 5,500 ដុល្លារ។ 3. ភាពរឹងមាំរបស់ Bitcoin៖ ទោះបីជាធ្លាប់ធ្លាក់ចុះក្នុងដំណាក់កាលដំបូងនៃសង្គ្រាមក៏ដោយ ប៉ុន្តែ Bitcoin បានងើបឡើងវិញយ៉ាងរហ័ស និងរក្សាលំនឹងក្នុងរង្វង់ពី 60,000 ដុល្លារ ទៅ 70,000 ដុល្លារ ខណៈដែលមូលនិធិ Bitcoin ETF នៅតែបន្តទាក់ទាញលំហូរទុនវិនិយោគដដែល។ 4. ការផ្លាស់ប្តូរចរិតលក្ខណៈទ្រព្យសកម្ម៖ អ្នកជំនាញយល់ថា Bitcoin លែងគ្រាន់តែជាទ្រព្យសកម្មសម្រាប់គេចពីហានិភ័យ (Safe Haven) ទៀតហើយ ប៉ុន្តែវាបានក្លាយជា "ទ្រព្យសកម្មម៉ាក្រូ" (Macro Asset) ដែលមានភាពរឹងមាំ និងអាចងើបឡើងវិញបានលឿនជាងមាស និងប្រាក់ នៅពេលទីផ្សារមានភាពភ័យខ្លាច។ របាយការណ៍បានសន្និដ្ឋានថា ខណៈដែលមាស និងប្រាក់កំពុងរងសម្ពាធលក់ចេញពីសំណាក់ស្ថាប័នធំៗ ទីផ្សាររូបិយប័ណ្ណឌីជីថលបែរជាបង្ហាញពីការវិវត្តនៃរចនាសម្ព័ន្ធទីផ្សារកាន់តែរឹងមាំ និងមានទំនុកចិត្តខ្ពស់ពីវិនិយោគិន។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap