ភ្នំពេញ ថ្ងៃទី 03 ខែមេសា ឆ្នាំ 2026 – យោងតាមលទ្ធផលអង្កេតចុងក្រោយពីក្រុមហ៊ុនប្រឹក្សាយោបល់ Clabo នៅទីក្រុងតូក្យូ បានបង្ហាញថា យុវជនជំនាន់ Z (Gen Z) នៅក្នុងប្រទេសជប៉ុន មានកម្រិតនៃការយល់ដឹង និងការប្រុងប្រយ័ត្នខ្ពស់ចំពោះការបោកប្រាស់តាមបណ្ដាញសង្គមក្នុងវិស័យរូបិយប័ណ្ណឌីជីថល។ ចំណុចសំខាន់ៗនៃរបាយការណ៍អង្កេតលើមនុស្ស 1,486 នាក់ រួមមាន៖ • ការព្រួយបារម្ភចម្បង៖ យុវជន Gen Z បង្ហាញការបារម្ភខ្លាំងលើការបោកប្រាស់ក្នុងទម្រង់ជា "ការចែកកាដូមិនពិត" (Fake Giveaways) និងការផ្សព្វផ្សាយដែលគួរឱ្យសង្ស័យ។ ផ្ទុយទៅវិញ មនុស្សវ័យចំណាស់មានការរារែកមិនហ៊ានវិនិយោគ ដោយសារតែ "មិនយល់ពីយន្តការការងារ" នៃគ្រីបតូ។ • ស្ថិតិនៃការវិនិយោគ៖ លទ្ធផលបង្ហាញថា ពាក់កណ្ដាលនៃអ្នកចូលរួមអង្កេត មិនដែលវិនិយោគលើរូបិយប័ណ្ណឌីជីថលឡើយ ខណៈដែលមានតែ 33.7% ប៉ុណ្ណោះដែលកំពុងកាន់កាប់ Asset Digital។ ក្នុងនោះ ក្រុមមនុស្សជំនាន់ Gen Y គឺជាអ្នកដែលមានសកម្មភាពវិនិយោគខ្ពស់ជាងគេ។ • ប្រភពព័ត៌មាន៖ YouTube បានក្លាយជាប្រភពព័ត៌មានឈានមុខគេ ដែលមានឥទ្ធិពលបំផុតដល់ការសម្រេចចិត្តវិនិយោគរបស់ជនជាតិជប៉ុន ដោយមានចំណែកដល់ទៅ 27%។ របាយការណ៍នេះបានសន្និដ្ឋានថា ទោះបីជាការយល់ដឹងពីបច្ចេកវិទ្យាមានការកើនឡើង ប៉ុន្តែការបោកប្រាស់តាមប្រព័ន្ធឌីជីថល នៅតែជាឧបសគ្គចម្បងដែលរារាំងដល់ការរីកចម្រើននៃទីផ្សាររូបិយប័ណ្ណឌីជីថលនៅក្នុងប្រទេសជប៉ុន។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap