អគ្គនាយកដ្ឋានពន្ធដារ (GDT) នៃក្រសួងសេដ្ឋកិច្ច និងហិរញ្ញវត្ថុ គ្រោងនឹងប្រើប្រាស់បច្ចេកវិទ្យាប្លុកឆេន (Blockchain) ដើម្បីពង្រឹងប្រព័ន្ធប្រមូលពន្ធបន្ថែមទៀតនៅក្នុងប្រទេសកម្ពុជា។ លោកឯកឧត្តម គង់ វិបុល មានប្រសាសន៍ថា ការសិក្សាលើការប្រើប្រាស់បច្ចេកវិទ្យាប្លុកឆេននេះ អាចនឹងប្រព្រឹត្តិទៅបន្ទាប់ពីការបោះឆ្នោតរួច។ អគ្គនាយកដ្ឋាន GDT បានកត់សម្គាល់ថា បច្ចេកវិទ្យា Blockchain អាចនាំមកនូវតម្លាភាពបន្ថែមទៀតដល់ប្រព័ន្ធ ប៉ុន្តែវាទាមទារហេដ្ឋារចនាសម្ព័ន្ធល្អ ជាពិសេសនៅក្នុងសេវាកម្មទូរគមនាគមន៍ ហើយចាំបាច់ត្រូវសាកល្បងលទ្ធភាពជោគជ័យនៃបច្ចេកវិទ្យាសិន មុនពេលដាក់ឱ្យប្រើប្រាស់។ លោកឯកឧត្តមបានបន្ថែមទៀតថា GDT បានប្រមូលចំណូលពន្ធដែលមានតម្លៃជាង $1.8 ពាន់លានដុល្លារក្នុងរយៈពេល 5 ខែដំបូងនៃឆ្នាំនេះ ប្រហែល 51 ភាគរយនៃគោលដៅថវិកាប្រចាំឆ្នាំចំនួន 3.57 ពាន់លានដុល្លារ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap