ព័ត៌មាននៅថ្ងៃទី 10 ខែកក្កដានេះបើយោងតាមសារព័ត៌មានចិន មុខងារកាបូបលុយរឹង (Hard wallets) របស់ស៊ីមកាត រូបិយប័ណ្ណឌីជីថលយ័នរបស់ចិន នឹងត្រូវបានដាក់ឱ្យដំណើរការក្នុងពេលឆាប់ៗនេះ។ កាបូបលុយរឹងរបស់ រូបិយប័ណ្ណឌីជីថលយ័ន បានប្រើស៊ីមកាតទំនើបរបស់ប្រតិបត្តិករទូរគមនាគមន៍ជាអ្នកផ្តល់សេវាកាបូបលុយ ហើយអ្នកប្រើប្រាស់អាចប្រើកាបូបលុយរឹងរបស់ស៊ីមកាតទំនើបដើម្បីធ្វើការទូទាត់នៅពេលដែលទូរស័ព្ធចល័តគ្មានថាមពល ឬ នៅពេលទូរស័ព្ធទ​ចល័ត​គ្មានអុីនធឺណេត។ បច្ចុប្បន្ននេះ មានតែទូរស័ព្ធ Android ដែលមានមុខងារ NFC ប៉ុណ្ណោះដែលអាចប្រើជាមួយស៊ីមកាតកាបូបលុយរឹង។ ជាមួយគ្នានេះដែរ គណនី WeChat ផ្លូវការរបស់ធនាគារកណ្តាលចិន បានបញ្ជាក់ថា នៅថ្ងៃទី 11 ខែកក្កដា ធនាគារចិន China Telecom និង China Unicom នឹងដាក់ដំណើរការផលិតផលកាបូបលុយរឹងនៅលើកម្មវិធីរូបិយប័ណ្ណឌីជីថលយ័ន ដោយសម្រេចបាននូវសមិទ្ធិផលច្នៃប្រឌិតថ្មីមួយទៀតនៅក្នុងផ្នែកហិរញ្ញវត្ថុឆ្លងដែន និងការប្រាស្រ័យទាក់ទង។ វិធីសាស្រ្ដមួយនេះនឹងផ្តល់នូវវិធីសាស្រ្តទូទាត់ជាសកល និងងាយស្រួល និងបទពិសោធន៍សម្រាប់កម្មវិធីឌីជីថលយ័ន ។ ផលិតផលនេះនឹងត្រូវបានដាក់ឱ្យដំណើរការនៅក្នុងតំបន់សាកល្បងមួយចំនួនសម្រាប់បទពិសោធន៍អ្នកប្រើប្រាស់ដែលបានអញ្ជើញនាពេលខាងមុខ ហើយនឹងត្រូវបានផ្សព្វផ្សាយទៅកាន់តំបន់សាកល្បងផ្សេងទៀតជាដំណាក់កាល (បច្ចុប្បន្នមានតែទូរស័ព្ធ Android ដែលមានមុខងារ NFC ប៉ុណ្ណោះដែលគាំទ្រការប្រើប្រាស់កាបូបលុយរឹងជាមួយស៊ីមកាតទំនើប)។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap