ថ្មីៗនេះនៅក្នុងវិស័យឧស្សាហកម្មគ្រីបតូកំពុងមានការចាប់អារម្មណ៏យ៉ាងខ្លាំងចំពោះបណ្តាញទូរទស្សន៍កណ្តាលរបស់ប្រទេសចិន (CCTV2) ទើបតែបានផ្សាយព័ត៌មានដែលថាហុងកុងកំពុងអនុញ្ញាតឱ្យវិនិយោគិនធ្វើការជួញដូររូបិយប័ណ្ណគ្រីបតូ។

ក្នុង​នាម​ជា​ប្រទេស​សេដ្ឋកិច្ច​ធំ​បំផុត​មួយ​ក្នុង​ពិភពលោក ប្រទេសចិន​មាន​ឥទ្ធិពល​យ៉ាង​ខ្លាំង​លើ​ឧស្សាហកម្មគ្រីបតូ។ ដោយសារការហាមប្រាមកាលពីអតីតកាលបានធ្វើឱ្យមានការរង្គោះរង្គើជុំវិញពិភពលោក ប៉ុន្តែពេលនេះអ្វីៗគឺខុសគ្នា។ ពីមុនប្រទេសចិនមានការភ័យខ្លាចចំពោះរូបិយប័ណ្ណគ្រីបតូអំពីការក្លែងបន្លំ ការលាងលុយកខ្វក់ និងនាំចេញថវិការជាតិចេញទៅក្រៅប្រទេសដែលជាហេតុនាំអោយប្រទេសចិនហាមឃាត់រូបិយប័ណ្ណគ្រីបតូ។ បច្ចុប្បន្នប្រទេសចិនបានបើកចំហចំពោះរូបិយប័ណ្ណគ្រីបតូ ដោយសារតែការកើនឡើងនៃការប្រើប្រាស់រូបិយប័ណ្ណឌីជីថលរបស់ធនាគារកណ្តាល ( CBDC ) និងប្រាក់យន់ឌីជីថលផ្ទាល់របស់ប្រទេសចិន ទិដ្ឋភាពកំពុងផ្លាស់ប្តូរទាំងមុន។ ដោយសារតែហេតុខាងលើនេះហើយទើបមានពាក្យចចាមអារ៉ាម និងការរំពឹងទុកថាប្រទេសចិនអាចនឹងលុបចោលការហាមឃាត់រូបិយប័ណ្ណគ្រីបតូនៅក្នុងប្រទេសចិន។ ប្រសិនបើប្រទេសចិនធ្វើការលុបចោលការហាមប្រាមទៅលើរូបិយប័ណ្ណគ្រីបតូនៅក្នុងប្រទេសចិន នឹងធ្វើឱ្យមានការកើនឡើងខ្ពស់នៃតម្លៃ ហើយពិភពលោកនឹងឃើញបដិវត្តរូបិយប័ណ្ណឌីជីថល!

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap