នៅថ្ងៃទី6 ខែវិច្ឆិកា ទឹកប្រាក់ចំនួន $588,000 ជា Bitcoin ត្រូវបានគេលួចដោយសារតែការទាញយកកម្មវិធី Ledger Live ក្លែងក្លាយនៅលើ app store របស់ Microsoft ។ ការបោកប្រាស់នេះត្រូវបានគេស្គាល់ថាជាការក្លែងបន្លំធ្វើជា "Ledger Live Web3" ដែលត្រូវបានគេរកឃើញដំបូងនៅថ្ងៃទី 5 ខែវិច្ឆិកា។ វាបានបោកបញ្ឆោតអ្នកប្រើប្រាស់ឱ្យគិតថាពួកគេកំពុងទាញយក "Ledger Live" ពិតប្រាកដដើម្បីរក្សាទុករូបិយប័ណ្ណគ្រីបតូរបស់ពួកគេឱ្យនៅក្រៅបណ្តាញអ៊ីនធឺណេតដោយសុវត្ថិភាព។ បើតាមការរាយការណ៍ដោយ Blockchain.com BTC ចំនួន 16.8 ដែលមានតម្លៃស្មើនឹង $588,000 ត្រូវបានផ្ទេរទៅកាបូបរបស់អ្នកបោកប្រាស់ដោយប្រើអាសយដ្ឋានកាបូបចាប់ផ្ដើមដោយ "bc1q....y64q"។ យោងតាមការស៊ើបអង្កេតបន្តដោយ ZachXBT បានកត់សម្គាល់ថាក្រុមហ៊ុន Microsoft បច្ចុប្បន្នបានលុបកម្មវិធី Ledger Live ក្លែងក្លាយចេញពីវេទិការបស់ខ្លួនហើយ។ ដោយរឿងហេតុដំបូងបានចាប់ផ្តើមនៅថ្ងៃទី 24 ខែតុលា ទន្ទឹមមកដល់ពេលនេះអាសយដ្ឋានកាបូបរបស់អ្នកបោកប្រាស់បានទទួលបានទឹកប្រាក់ចំនួន $600,000 ជា Bitcoin ។ នេះមិនមែនជាលើកទីមួយទេដែលកម្មវិធី "Ledger Live" ក្លែងក្លាយបានចូលទៅក្នុង App Store របស់ Microsoft ។ កាលពីមុន Ledger បានរំលឹកអ្នកប្រើប្រាស់ម្តងហើយម្តងទៀតថាត្រូវធ្វើការតម្លើង ឬ ទាញយកតែមួយគត់គឺចេញពីគេហទំព័រផ្លូវការរបស់ខ្លួន មិនមែនជាវេទិកាកម្មវិធីផ្សេងៗនោះទេ។ ទោះបីជាមានគំរូក្លែងបន្លំជាច្រើនក៏ដោយ Microsoft ហាក់ដូចជាបរាជ័យក្នុងការទប់ស្កាត់ការលេចចេញនូវកម្មវិធីក្លែងក្លាយទាំងអស់ ដូច្នេះអ្នករងការខាតបង់មួយចំនួនគិតថា Microsoft គួរតែទទួលខុសត្រូវខ្លះ។ បច្ចុប្បន្ន Cointelegraph បានទាក់ទងទៅ Microsoft ដើម្បីសុំការអត្ថាធិប្បាយ ប៉ុន្តែមិនទាន់ទទួលបានការឆ្លើយតបទេ។ Ledger ក៏មិនទាន់បានធ្វើអត្ថាធិប្បាយលើបញ្ហានេះនៅឡើយទេ។ ដូច្នេះនៅក្នុងនេះដែល Admin សូមណែនាំយ៉ាងមុតមាំឱ្យអ្នកទាំងអស់គ្នាគួរទាញយកកម្មវិធីចេញពីគេហទំព័រផ្លូវការរបស់ ម្ចាស់គម្រោង។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap