យោង​តាម​ក្រសួង​យុត្តិធម៌​អាមេរិក បុរស​ម្នាក់​ក្លែង​ខ្លួន​ជា​បុគ្គលិក​ Apple បានលួច NFTs និងរូបិយប័ណ្ណគ្រីបតូដែលមានតម្លៃ 740,000 ដុល្លារ ពីជនរងគ្រោះរាប់រយនាក់ Golshan បានក្លែងបន្លំជាបុគ្គលិកជំនួយរបស់ Apple និងទទួលបានសិទ្ធិចូលប្រើប្រាស់គណនី Apple iCloud របស់ជនរងគ្រោះជាច្រើននាក់ដោយគ្មានការអនុញ្ញាត ហើយបានធ្វើសកម្មភាពលួច NFTs, Cryptocurrency និងទ្រព្យសម្បត្តិឌីជីថលដ៏មានតម្លៃផ្សេងទៀត។ តាម​រយៈ​ការ​ប្រព្រឹត្តឧក្រិដ្ឋកម្មបែប​នេះ Golshan បាន​បោកប្រាស់​ជន​រង​គ្រោះ​ក្នុង​ម្នាក់ៗ​ចន្លោះ​ពី 2,000 ទៅ 389,000 ដុល្លារ។ ករណីនេះត្រូវបានស៊ើបអង្កេតដោយ FBI និងកាត់ទោសដោយជំនួយការមេធាវីសហរដ្ឋអាមេរិកលោក Andrew M. Roach នៃផ្នែកឧក្រិដ្ឋកម្មតាមអ៊ីនធឺណិត និងកម្មសិទ្ធិបញ្ញា។ នៅក្នុងការកាត់ទោស ចៅក្រមបានកត់សម្គាល់ Golshan បានធ្វើឱ្យជនរងគ្រោះរស់នៅក្នុង "ការភ័យខ្លាច និងការព្រួយបារម្ភបន្ត" ហើយ Golshan គ្មាននូវវិប្បដិសារីទៅលើសកម្មភាពរបស់គាត់់។ គាត់​ត្រូវ​បាន​កាត់​ទោស​ឱ្យ​ជាប់​ពន្ធនាគារ​រយៈ​ពេល 8 ឆ្នាំ និង​បង្គាប់​ឱ្យ​សង​ប្រាក់​ចំនួន 1.2 លាន​ដុល្លារ​ដល់​ជន​រង​គ្រោះ​របស់​គាត់។

ប្រភព: ក្រសួង​យុត្តិធម៌សហរដ្ឋ​អាមេរិក

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap