Sony និង Microsoft កំពុងត្រៀមខ្លួនក្នុងការចូលក្នុងវិស័យហ្គេមគ្រីបតូ
CamboSwap
2023-12-01
396 View
ប្រភព: Cointelegraph
ក្រុមហ៊ុន Sony និង Microsoft កំពុងសម្លឹងរកមើលការចូលទៅក្នុងវិស័យហ្គេមគ្រីបតូ ដែលអាចជាការផ្លាស់ប្តូរដែលមានសក្តានុពលមិនត្រឹមតែធ្វើបដិវត្តឧស្សាហកម្មហ្គេមប៉ុណ្ណោះទេ ប៉ុន្តែថែមទាំងនាំយកបច្ចេកវិទ្យាហ្គេមប្លុកឆេនក្លាយជាបច្ចេកដែលមានប្រជាប្រិយភាព។ ក្រុមហ៊ុន Sony បានដាក់ពាក្យសុំប៉ាតង់ដែលនឹងអនុញ្ញាតឱ្យអ្នកលេង PlayStation អាចប្រើបច្ចេកវិទ្យា blockchain ដើម្បីផ្ទេរទ្រព្យសម្បត្តិឌីជីថលតាមរយៈហ្គេម PlayStation ។ វានឹងអនុញ្ញាតឱ្យមានការរីកចម្រើនរួមគ្នា និងភាពជាម្ចាស់កម្មសិទ្ធិលើហ្គេមផ្សេងៗ ជាជាងការចាក់សោទ្រព្យសកម្មនៅក្នុងហ្គេមតែមួយ។ ក្រុមហ៊ុន Sony ក៏បានស្វែងយល់ពីលទ្ធភាពនៃការធ្វើទ្រព្យឌីជីថលនៅក្នុងហ្គេម ដែលអនុញ្ញាតឱ្យអ្នកលេងអាចលក់ និងជួញដូរពួកគេនៅលើទីផ្សារបន្ទាប់បន្សំបាន។ មួយវិញទៀតបើយោងតាមឯកសារលេចធ្លាយបានបង្ហាញថាក្រុមហ៊ុន Microsoft គ្រោងនឹងបន្ថែមកាបូបលុយគ្រីបតូចូលក្នុងទៅ Xbox ។ នេះនឹងអនុញ្ញាតឱ្យអ្នកលេងអាចជួញដូរទ្រព្យសម្បត្តិដោយសុវត្ថិភាពរវាងវេទិកាផ្សេងៗគ្នា។ ការលេងហ្គេមនៅលើបច្ចេកវិទ្យា Blockchain គឺជាឱកាសដ៏សំខាន់មួយ ដូច្នេះវាមិនមែនជារឿងគួរឱ្យភ្ញាក់ផ្អើលទេដែលវាទទួលបានការចាប់អារម្មណ៍ពីក្រុមហ៊ុនយក្សហ្គេមពីរ។ គេរំពឹងថានៅឆ្នាំ 2025 តម្លៃទីផ្សារនៃហ្គេមគ្រីបតូអាចនឹងកើនឡើងជាង 10% បើធៀបនឹងឆ្នាំ 2022។ កត្តាជំរុញសំខាន់ៗសម្រាប់ការរីកចម្រើននៃទីផ្សារហ្គេមគ្រីបតូ រួមមានការកើនឡើងនៃប្រជាប្រិយភាពនៃហ្គេម គឺដោយសារ "Play to Earn" ដែលមានភាពទាក់ទាញសម្រាប់អ្នកលេងក្នងការកម្សាន្ត ហើយអាចរកប្រាក់ចំណូលបាន។
