នៅថ្ងៃទី 28 ខែឧសភា នាយកដ្ឋានសន្តិសុខតាមអ៊ីនធឺណិតរបស់កងកម្លាំងប៉ូលីសហុងកុងបានបើកដំណើរការវេទិកា metaverse ថ្មី "CyberDefender" ក្នុងគោលបំណងអប់រំដល់សាធារណៈជនអំពីគ្រោះថ្នាក់ដែលអាចកើតមានទាក់ទងនឹង Web3 និង metaverse ។ វេទិកានេះត្រូវបានដាក់ឱ្យដំណើរការដើម្បីលើកកម្ពស់ការការពារឧក្រិដ្ឋកម្មនៅក្នុង Metaverse ដើម្បីធ្វើការព្រមានថា "ឧក្រិដ្ឋកម្មទាំងអស់នៅក្នុងអ៊ីនធឺណែតក៏អាចកើតឡើងនៅក្នុង Metaverse ផងដែរ" ។ ប្រធានអធិការនៃការិយាល័យឧក្រិដ្ឋកម្មសន្តិសុខអ៊ីនធឺណិត និងបច្ចេកវិទ្យាលោក Ip Cheuk-yu បានសង្កត់ធ្ងន់លើសារៈសំខាន់នៃការប្រុងប្រយ័ត្ននៅក្នុងពិភពនិម្មិត និងបានជំរុញឱ្យមានការប្រុងប្រយ័ត្នដូចគ្នានៅពេលប្រើប្រាស់អ៊ីនធឺណិត។ បន្ទាប់ពីមានបានកើនឡើងយ៉ាងខ្លាំងនៅក្នុងត្រីមាសទីមួយនៃឆ្នាំ 2023 ទៅលើឧក្រិដ្ឋកម្មទ្រព្យសម្បត្តិនិម្មិតដែលបានកើតឡើងទៅលើទីក្រុងហុងកុង។ ប៉ូលីសហុងកុងមានគម្រោងពង្រឹងកម្មវិធីអប់រំឧក្រិដ្ឋកម្មបច្ចេកវិទ្យារបស់ខ្លួន ជាពិសេសផ្តោតលើ "មនុស្សជំនាន់ក្រោយ"។ ដោយក្នុងនោះត្រូវបានគេបង្ហាញថានៅក្នុងត្រីមាសទីមួយនៃឆ្នាំ 2023 មានករណីចំនួន 663 ដែលពាក់ព័ន្ធនឹងឧក្រិដ្ឋកម្មទ្រព្យសកម្មនិម្មិតត្រូវ ជាមួយនឹងការខាតបង់សរុបចំនួន 570 លានដុល្លារ ដែលជាការកើនឡើង 75% បើប្រៀបធៀបទៅនឹងត្រីមាសទីមួយនៃឆ្នាំ 2022 ។ ដូច្នេះហើយកងកម្លាំងប៉ូលីស ហុងកុងនឹងបន្តរៀបចំសកម្មភាពអប់រំសាធារណៈលើប្រធានបទផ្សេងៗគ្នាតាមរយៈវេទិកា "CyberDefender Metaverse" ដើម្បីលើកកម្ពស់ការយល់ដឹងរបស់យុវជនអំពីការអភិវឌ្ឍន៍ចុងក្រោយបង្អស់នៃបច្ចេកវិទ្យាព័ត៌មាន គ្រោះថ្នាក់ដែលអាចកើតមាន និងសារៈសំខាន់នៃការទប់ស្កាត់ឧក្រិដ្ឋកម្មបច្ចេកវិទ្យា។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap