Google និងសហភាពអឺរ៉ុបកំពុងសហការគ្នាបង្កើតច្បាប់ស្តីពី AI ដើម្បីទប់ស្កាត់ហានិភ័យនាពេលអនាគត
CamboSwap
2023-05-29
991 View
មនុស្សភាគច្រើនបានដឹងរួចមកហើយថា AI ដូចជា ChatGPT, Bing, Bard គឺសុទ្ធតែជាបច្ចេកវិទ្យា AI មួយដ៏អស្ចារ្យណាស់ ដោយវាអាចជួយយើងក្នុងការស្វែងរកអ្វីៗបានលឿនរហ័សទាន់ពេលវេលា ថែមទាំងអាចធ្វើកិច្ចការអ្វីមួយឲ្យយើងបានប្រកបដោយភាពច្នៃប្រឌិតថែមទៀតផង។លើសពីនេះ ដូចដែលយើងបានឃើញមានព័ត៌មានជាច្រើនទាក់ទងនឹងអ្នកវិទ្យាសាស្រ្តដែលពួកគាត់កំពុងមានការព្រួយបារម្ភពីភាពរីកចម្រើនខ្លាំងលើបច្ចេកវិទ្យា AI នេះដែលវាកាន់តែឆ្លាតទៅៗពីមួយជំនាន់ទៅមួយជំនាន់ ដូចជាកាលពីថ្មីៗនេះលោក Elon Musk បានព្រមានថាវាអាចនឹងបញ្ជារមនុស្សវិញបាននាពេលអនាគតផងដែរ។ ហេតុដូច្នេះហើយ ទើបក្រុមហ៊ុន Google និងសហភាពអឺរ៉ុប (EU) បាននឹងកំពុងសហការគ្នាបង្កើតច្បាប់ស្តីពីបច្ចេកវិទ្យា AI នេះដើម្បីទប់ស្កាត់ហានិភ័យក៏ដូចជាវិនាសកម្មដែលអាចកើតមាននាពេលអនាគត។ គេសង្កេតឃើញថា រហូតមកដល់ពេលនេះបុរសដែលបង្កើត AI ទំនើបដោយខ្លួនឯងនោះគឺគាត់ជាបុគ្គលិករបស់ក្រុមហ៊ុន Google ផ្ទាល់តែម្តង ប៉ុន្តែគាត់បានបញ្ឃប់ការបង្កើតនោះជាបន្តទៀត ដោយគាត់មិនចង់ឲ្យមានគ្រោះថ្នាក់លើបច្ចេកវិទ្យា AI នេះទេ។ ហើយក្រុមហ៊ុន Google ក៏ធ្លាប់បានបង្កើតច្បាប់ស្តីពី AI សម្រាប់អនុវត្តក្នុងក្រុមហ៊ុនរបស់ខ្លួនផងដែរ។ បន្ថែមពីនេះ បើយោងទៅតាមសារព័ត៌មាន Reuters បានឲ្យដឹងថា រហូតមកដល់ពេលបច្ចុប្បន្ននេះ សហភាពអឺរ៉ុប(EU)កំពុងតែរង់ចាំបណ្តាប្រទេសផ្សេងទៀតក្នុងការចូលរួមជាមួយនឹងការផ្តល់ជាគំនិតនិងយោបល់លើច្បាប់ស្តីពីការពារទប់ស្កាត់ចំពោះបច្ចេកវិទ្យា AI នេះដើម្បីធ្វើការអនុម័តយកទៅអនុវត្តជាផ្លូវការទូទាំងពិភពលោក។ ហើយសហភាពអឺរ៉ុបសង្ឃឹមថា នឹងធ្វើយ៉ាងណាបង្កើតច្បាប់នេះឲ្យបានមុនដំណាច់ឆ្នាំ 2023 ខាងមុខនេះ។
