ក្រុមហ៊ុនយក្សរបស់ជប៉ុនក្រុមហ៊ុន Sony បានត្រៀមខ្លួនចូលក្នុងវិស័យ Web 3.0
CamboSwap
2023-05-31
1002 View
ក្រុមហ៊ុនយក្សរបស់ជប៉ុនក្រុមហ៊ុន Sony បានត្រៀមខ្លួនចូលក្នុងវិស័យ Web 3.0 ដោយធ្វើការចាប់ដៃគូជាមួយក្រុមហ៊ុន Astar ហើយបានប្រកាសពីផែនការគាំទ្រ និងវិនិយោគនៅក្នុងក្រុមហ៊ុន web3, NFT និង metaverse តាមរយៈកម្មវិធី incubator របស់ខ្លួន។ ក្រុមហ៊ុន Web3 Startale Labs - ដែលជាដៃគូររបស់ ក្រុមហ៊ុន Astar - ក៏បានចូលរួមក្នុងគម្រោងផងដែរ។ គម្រោងនេះពាក់ព័ន្ធនឹងក្រុមហ៊ុន Sony Network Communications ដែលជាក្រុមហ៊ុនបុត្រសម្ព័ន្ធរបស់ Sony ដែលមានឯកទេសខាងដំណោះស្រាយព័ត៌មានវិទ្យា និងការអភិវឌ្ឍន៍កម្មវិធី។ ក្រុមហ៊ុនទាំងបីបានប្រកាសពីការចាប់ផ្តើមកម្មវិធីនេះជាលើកដំបូងក្នុងខែកុម្ភៈឆ្នាំនេះ។ ហើយ Sony បានអំពាវនាវឱ្យក្រុមហ៊ុន 'មកពីជុំវិញពិភពលោក' ដែលមានបំណងអភិវឌ្ឍទៅលើគម្រោង Web 3.0 អាចដាក់ពាក្យសុំមូលនិធិ និងជំនួយផ្នែកបច្ចេកវិទ្យាតាមរយៈកម្មវិធី incubator។ ដោយ Sony បាននិយាយថាពួកគេត្រៀមខ្លួនជាស្រេចក្នុងការវិនិយោគនៅក្នុងក្រុមហ៊ុន Web3 នៅ "គ្រប់ដំណាក់កាលនៃការអភិវឌ្ឍន៍" ។ ដំបូងឡើយ ក្រុមហ៊ុនប្រហែល 200 ត្រូវបានជ្រើសរើសសម្រាប់ការពិចារណា។ ប៉ុន្តែឥឡូវនេះ វិស័យនេះបានរួមតូចដល់ទៅ ១៩ គម្រោង។ដោយគម្រោងទាំងនេះនឹងធ្វើការបង្ហាញនៅ "ថ្ងៃសាកល្បង" នៅពាក់កណ្តាលខែមិថុនា។ ព្រឹត្តិការណ៍នេះនឹងប្រព្រឹត្តទៅនៅក្នុងពិភពពិត (ប្រហែលជានៅទីក្រុងតូក្យូ) និងពិភពនិម្មិត។ក្រុមហ៊ុន Sony បានអញ្ជើញ "ក្រុមហ៊ុនធំៗ" ដែលចាប់អារម្មណ៍ក្នុងការវិនិយោគលើ Metaverse, NFTs និង Web3 មកកាន់ព្រឹត្តិការណ៍នេះ។
