បន្ទាប់ពីតម្លៃនៃ Bitcoin បានបំបែកកំណត់ត្រានាពេលថ្មីៗនេះ ដែលធ្វើឱ្យអ្នកវិនិយោគបានចាប់អារម្មណ៏ទៅលើទីផ្សារគ្រីបតូ? នៅក្នុងអំឡុងពេលដែលអ្នកវិនិយោគមានភាពសុទិដ្ឋិនិយមទៅលើតម្លៃ Bitcoin ដែលគិតថា Bitcoin អាចមានការកើនឡើងខ្ពស់ជាងនេះ ក៏មានសំណួរលើកឡើង តើ Bitcoin អាចមានការធ្លាក់ចុះពី 20 ទៅ 30% ? តើឱកាសបែបនេះនឹងកើតឡើងដែរឬទេ? ខាង​ក្រោម​នេះ​គឺ​ជា​ការ​ដក​ស្រង់​ចេញ​ពី​អត្ថបទ​មួយ​របស់ Tide Capital ដែល​រៀប​ចំ​ចងក្រង និង​សរសេរ​ដោយ CamboSwap។ 1. Bull Market បានចាប់ផ្ដើមបណ្ដើរៗ តក្កវិជ្ជានៃការកើនឡើងរយៈពេលវែងរបស់ Bitcoin បានឃើញកាន់តែច្បាស់។ ការចាប់ផ្តើមនៃ Bitcoin Spot ETFs បាននាំមកនូវមូលនិធិបន្ថែម គួបផ្សំនឹងកត្តាបំណុលរបស់សហរដ្ឋអាមេរិក និង Bitcoin Halving ពេលខាងមុខ ដែលបង្ហាញអំពីតម្រូវការកាន់តែខ្លាំងអំពី Bitcoin ដែលជាសញ្ញានៃការចាប់ផ្ដើមបណ្ដើរៗនូវ Bull Market ។ 2. កត្តានៅពីក្រោយការកើនឡើងនៃ Bitcoin និងមាស គឺដោយសារកត្តាបំណុលរបស់សហរដ្ឋអាមេរិក ទំហំបំណុលរបស់សហរដ្ឋអាមេរិកនៅតែបន្តកើនឡើង ហើយទំហំបំណុលសរុបត្រូវបានគេរំពឹងថានឹងលើសពី 50 ពាន់ពាន់លានដុល្លារ ($50 trillion) ក្នុងរយៈពេល 10 ឆ្នាំខាងមុខ។ នៅក្រោមកាលៈទេសៈបែបនេះ វិនិយោគិនបានបង្វែរការយកចិត្តទុកដាក់របស់ពួកគេចំពោះទ្រព្យសម្បត្តិដែលខ្វះខាតដូចជា Bitcoin និងមាសដើម្បីស្វែងរកការការពារ និងការរក្សាតម្លៃនូវទ្រព្យសម្បត្តិរបស់ពួកគេ។ 3. ការរំពឹងទុកមុន Bitcoin Halving អាចមានការធ្លាក់ចុះ 20 ទៅ 30% ទិន្នន័យពីមុនបានបង្ហាញថាមុនពេល Bitcoin Halving 50 ថ្ងៃតម្លៃរបស់ Bitcoin​​ អាចមានការធ្លាក់ចុះ 30% ហើយបន្ទាប់ពី Bitcoin Halving ហើយ Bitcoin អាចមានការធ្លាក់ចុះជាមធ្យម 3%។ បើយោងយាមរបាយការណ៍នៅថ្ងៃទី 29 ខែកុម្ភៈដោយក្រុមហ៊ុន JPMorgan ព្រឹត្តិការណ៍ Bitcoin Halving នៅក្នុងខែមេសាអាចបង្កឱ្យមានការធ្លាក់ចុះយ៉ាងខ្លាំងនៃតម្លៃ Bitcoin ដែលត្រូវបានគេរំពឹងថានឹងធ្លាក់ចុះដល់ 42,000 USDT។ 4. ការភ័យខ្លាចការធ្លាក់ចុះរបស់ Bitcoin អាចជាឪកាសសម្រាប់ Altcoin បច្ចុប្បន្ននៅក្នុងទីផ្សារគ្រីបតូគឺមានមូលនិធិចាក់ចូលជាច្រើន​ ដោយមានកត្តានៃការភ័យខ្លាចនៃការរធ្លាក់ចុះរបស់ Bitcoin វិនិយោគអាចងាកពីការវិនិយោគ Bitcoin មក Altcoin ដែលជាឪកាសសម្រាប់អ្នកវិនិយោគផ្សេងត្រៀមក្នុងយុទ្ធសាស្រ្ដវិនិយោគរកប្រាក់ចំណេញ។ សរុបសេចក្ដី និន្នាការរយៈពេលវែងនៃទីផ្សារ Bitcoin សមនឹងទទួលបានការយកចិត្តទុកដាក់។ វិនិយោគិនអាចចាប់យកឱកាសទីផ្សារ និងវិនិយោគដោយសមហេតុផល។ ក្នុងពេលជាមួយគ្នានេះ យើងត្រូវយកចិត្តទុកដាក់លើហានិភ័យទីផ្សារ រក្សាអាកប្បកិរិយាប្រុងប្រយ័ត្ន ធ្វើការងារបានល្អក្នុងការគ្រប់គ្រងហានិភ័យ។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap