យោងតាមរបាយការណ៍របស់ Bloomberg ខណៈពេលដែលមានការកើនឡើងនៃតម្លៃ Bitcoin បានជំរុញឱ្យមានការកើនឡើងនៃភាគហ៊ុនដែលទាក់ទងនឹងរូបិយប័ណ្ណគ្រីបតូ ប៉ុន្ដែ Short Trader នៅតែភ្នាល់រាប់ពាន់លានដុល្លារដែលការប្រមូលផ្តុំគ្នា Short ដល់ទីបញ្ចប់។ បើយោងតាមរបាយការណ៍ពី S3 Partners LLC កាលពីថ្ងៃចន្ទ រហូតមកដល់ពេលនេះសមតុល្យនៃការ Order Short សរុបបានកើនឡើងដល់ជិត 11 ពាន់លានដុល្លារ។ ភាគច្រើនជាង 80% នៃសមតុល្យ Order Short គឺ Short ទៅលើក្រុមហ៊ុន MicroStrategy និង Coinbase ។ ខណៈពេលដែលការកើនឡើងច្រើនជាង 65% របស់ Bitcoin នៅឆ្នាំនេះបានជំរុញឱ្យមានការកើនឡើងនៅទូទាំងឧស្សាហកម្ម ដែលធ្វើឱ្យ Short Trader មានការខាតបង់ជិត 6 ពាន់លានដុល្លារ។ ទោះជាយ៉ាងណាក៏ដោយវិនិយោគិនទាំងនេះនៅតែបន្ថែមលើមុខតំណែង Short របស់ពួកគេ។ ក្នុងរយៈពេល 30 ថ្ងៃកន្លងមកនេះ សម្រាប់ Trader ដែល Short លើភាគហ៊ុនដែលទាក់ទងនឹងរូបិយប័ណ្ណគ្រីបតូ បានបង្កើនមុខតំណែងរបស់ពួកគេ ជាពិសេសគឺទៅលើ MicroStrategy ។ យោងតាមទិន្នន័យពី S3 Short Trader បានដាក់ប្រាក់ចំនួន 9.74 ពាន់លានដុល្លារក្នុងការភ្នាល់ថាភាគហ៊ុនរបស់ក្រុមហ៊ុន MicroStrategy នឹងមានការធ្លាក់ចុះ ដែលលើសពីចំនួនភាគហ៊ុន Coinbase, Crypto Miner Marathon និង Hive Digital Technologies ។ Short Trader អាចទទួលរងការខាតបង់ធំជាងនេះ ប្រសិនបើការភ្នាល់របស់ពួកគេលើភាគហ៊ុនដែលទាក់ទងនឹងរូបិយប័ណ្ណគ្រីបតូប្រែជាខុស នៅពេលដែល Bitcoin បន្តកើនឡើង។

ប្រភព: Bloomberg

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap