ថ្មីៗនេះក្លឹប FC Barcelona បានសហការគ្នាជាមួយ Plastiks ពួកគេនឹងចាប់ផ្តើមបង្កើត NFT (Non-Fungible Token) ដំបូងរបស់ពួកគេដើម្បីចូលរួមដោះស្រាយបញ្ហាសំរាមប្លាស្ទិក។ ក្លឹប FC Barcelona គឺជាក្រុមបាល់ទាត់មួយក្នុងចំណោមក្រុមដែលមានអ្នកតាមដានច្រើនជាងគេបំផុតនៅលើពិភពលោក ហើយ FC Barcelona ក៏មានសហគមន៍ដ៏ធំបំផុតមួយនៅលើបណ្តាញសង្គមនៃក្រុមកីឡាណាមួយ។ ដោយមានអ្នកតាមដានច្រើនជាង 400 លាននាក់នៅទូទាំងគណនីផ្សេងគ្នារបស់វា វាគឺជាក្រុមហ៊ុនឈានមុខគេក្នុងឧស្សាហកម្មបាល់ទាត់ពិភពលោក។ ដូចនេះ ក្លឹបចង់ផ្តល់ឱ្យសហគមន៍របស់ខ្លួននូវដំណោះស្រាយនិរន្តរភាពដែលមានមូលដ្ឋានលើ Web 3.0 ក្នុងករណីនេះ ដើម្បីជួយកាត់បន្ថយកាកសំណល់ក្នុងបរិស្ថាន ដោយរួមបញ្ចូលគ្នានូវចក្ខុវិស័យ NFT របស់ Barça ជាមួយនឹងផលប៉ះពាល់បរិស្ថានជាវិជ្ជមាន។ ការផ្លាស់ប្តូរនេះពង្រឹងបន្ថែមទៀតនូវជំហរច្នៃប្រឌិតរបស់ក្លឹប FC Barcelona នៅក្នុងវិស័យឌីជីថល និងផ្តល់ឱ្យអ្នកគាំទ្រនូវបទពិសោធន៍ថ្មីនៅក្នុងវិស័យឌីជីថល។ តាមរយៈការទិញនៃ NFT ទាំងនេះ អ្នកគាំទ្រអាចចូលរួមក្នុងការអបអរសាទរប្រវត្តិសាស្ត្ររបស់ក្លឹប FC Barcelona ជួយគាំទ្រដល់ការការពារបរិស្ថាន ហើយអ្នកគាំទ្រក្លឹប FC Barcelona ក៏មានឪកាសទទួលបានអាវរបស់ក្រុមបាល់ទាត់កំពូលដែលលបានចុះហត្ថលេខាដោយកីឡាករបស់ក្លឹប FC Barcelona។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap