នៅថ្ងៃទី 5 ខែមេសា យោងតាម ​​News1 អាជ្ញាធរហិរញ្ញវត្ថុរបស់កូរ៉េខាងត្បូងនឹងចេញគោលការណ៍ណែនាំថ្មីដើម្បីអនុវត្តការត្រួតពិនិត្យយ៉ាងតឹងរ៉ឹងលើការចុះបញ្ជី (Listing) រូបិយប័ណ្ណគ្រីបតូរបស់ Crypto Exchange ។ យោងតាមការណែនាំ គម្រោងរូបិយប័ណ្ណគ្រីបតូដែលធ្លាប់ត្រូវបានគេលួចចូល ឬវាយប្រហារហើយមិនទាន់បានដោះស្រាយបញ្ហាសុវត្ថិភាពទាំងអស់នឹងអាចត្រូវបានរារាំងពីការចុះបញ្ជីនៅក្នុង Exchange ក្នុងស្រុក។ លើសពីនេះទៀត របាយការណ៍នេះបានបញ្ជាក់ថា គណៈកម្មការសេវាហិរញ្ញវត្ថុរបស់កូរ៉េខាងត្បូងអាចតម្រូវឱ្យគម្រោងរូបិយប័ណ្ណគ្រីបតូបរទេសដើម្បីបង្កើត Whitepaper ជាក់លាក់សម្រាប់ការចុះបញ្ជីនៅលើវេទិកាពាណិជ្ជកម្មក្នុងស្រុក។

ទោះជាយ៉ាងណាក៏ដោយ រូបិយប័ណ្ណគ្រីបតូដែលត្រូវបានចុះបញ្ជីនៅលើ Exchange ដែលមានអាជ្ញាប័ណ្ណលើសពី 2 ឆ្នាំប្រហែលជាមិនចាំបាច់បំពេញតាមស្តង់ដារថ្មីទាំងនេះទេ។ គោលការណ៍ណែនាំក៏អាចតម្រូវឱ្យវេទិកាជួញដូរលុបគម្រោងរូបិយប័ណ្ណគ្រីបតូចេញពី Exchange ផងដែរ ប្រសិនបើម្ចាស់គម្រោងចេញព័ត៌មានរបស់ខ្លួនមិនច្បាស់លាស់ ដូចជាចំនួន Circulating Supply និង Total Supply មិនដូចទៅនឹងព័ត៌មានដែលបានរាយការណ៏។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap