Kabosu បានស្លាប់កាលពីម្សិលមិញ នៅម៉ោង 6:50 ថ្ងៃទី24 ខែឧសភា Kabosu ដែលជាគំរូដើមរបស់ Dogecoin (DOGE) បានទទួលមរណភាព។ ម្ចាស់របស់ Kabosu អ្នកស្រី Atsuko Sato បានបង្ហាញព័ត៌មាននៅលើប្លក់របស់នាង ហើយបាននិយាយថា ពិធីជប់លៀងលាគ្នានឹងធ្វើឡើងនៅរសៀលថ្ងៃអាទិត្យ ទី២៦ ខែឧសភា នៅហាងផ្កា Kaori Flowers ក្នុងទីក្រុង Narita ខេត្ត Chiba ប្រទេសជប៉ុន។ ការប្រែប្រួលតម្លៃ DOGE ថ្ងៃទី24 ខែឧសភា បន្ទាប់ពីព័ត៌មានត្រូវបានប្រកាស តម្លៃរបស់ DOGE បានកើនឡើងជាង 6% ឡើងដល់កំពូល 0.17 ដុល្លារ ប៉ុន្តែបន្ទាប់មកបានចាប់ផ្តើមធ្លាក់ចុះ ក្នុងរយៈពេល 15 នាទីនៃព័ត៌មាននេះ តម្លៃ DOGE បានធ្លាក់ចុះជាង 3% ។

ដើមកំណើតនៃ Meme Kabosu និង Dogecoin Atsuko Sato ម្ចាស់ Kabosu បានចែករំលែករូបថតនៃជីវិតប្រចាំថ្ងៃរបស់ Kabosu តាមអ៊ីនធឺណិត។ នៅថ្ងៃទី 13 ខែកុម្ភៈ ឆ្នាំ 2010 Atsuko Sato បានចែករំលែករូបថត Kabosu ជាមួយនឹងដៃបត់ ស្នាមញញឹមប្រកបដោយមោទនភាព ដែលស្រដៀងទៅនឹងរូបមនុស្ស។ រូបថតនេះក្រោយមកបានក្លាយជា Meme Dogecoin ដ៏ពេញនិយម។ ក្រឡេកមក Dogecoin វិញ នៅចុងឆ្នាំ 2013 វិស្វករលោក Jackson Palmer និង Billy Markus បានកែប្រែកូដ Bitcoin ហើយបានបង្កើត Dogecoin ឡើងក្នុងគោលបំណងជា Meme ប៉ុណ្ណោះ ដែលយកគំរូដើមចេញពី Meme Kabosu ។ តែមកដល់ពេលនេះអ្វីដែលយើងនឹងស្មានមិនដល់នោះគឺ Dogecoin បានក្លាយជារូបិយប័ណ្ណគ្រីបតូ ដែលពេញនិយមមួយនៅក្នុងវិស័យគ្រីបតូ។

រូបភាពបន្ថែម ៖

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap