ដើម្បីធានាបាននូវការអនុលោមតាមច្បាប់ការពារអ្នកប្រើប្រាស់ទ្រព្យសកម្មនិម្មិតនាពេលខាងមុខ អាជ្ញាធរហិរញ្ញវត្ថុរបស់ប្រទេសកូរ៉េខាងត្បូងគ្រោងនឹងវាយតម្លៃឡើងវិញនូវការចុះបញ្ជីរូបិយប័ណ្ណគ្រីបតូប្រហែល 600 គម្រោងដែលត្រូវបានជួញដូរនៅលើទីផ្សារជួញដូរក្នុងស្រុក ដែលជាព័ត៌មានដែលបង្កឱ្យមានការភ័យស្លន់ស្លោក្នុងចំណោមវិនិយោគិនកូរ៉េខាងត្បូងដែលជាកត្តាមួយបានធ្វើឱ្យទីផ្សារគ្រីបតូមានកាលធ្លាក់ចុះធំកាលពីម្សិលមិញ។ គណៈកម្មការត្រួតពិនិត្យហិរញ្ញវត្ថុនៃប្រទេសកូរ៉េខាងត្បូង (FSC) បានបំភ្លឺនៅថ្ងៃអង្គារ នេះថា ខ្លួននឹងមិនពិនិត្យដោយផ្ទាល់លើគម្រោងទាំងនោះទេ ការពិនិត្យឡើងវិញនឹងធ្វើឡើងដោយការវេទិកាជួញដូរ (Exchange) និងសមាគមប្តូរទ្រព្យសម្បត្តិឌីជីថលកូរ៉េ (DAXA) ហើយលទ្ធភាពនៃការលុបចោល (Delist) ទ្រង់ទ្រាយធំគឺ ទាប។ វាយតម្លៃឡើងវិញនៃរូបិយប័ណ្ណគ្រីបតូប្រមាណ 600 យោងតាមរបាយការណ៍ប្រព័ន្ធផ្សព្វផ្សាយកូរ៉េខាងត្បូង ដើម្បីធានាបាននូវការអនុលោមតាមច្បាប់ការពារអ្នកប្រើប្រាស់ទ្រព្យសម្បត្តិនិម្មិតនាពេលខាងមុខ អាជ្ញាធរហិរញ្ញវត្ថុកូរ៉េខាងត្បូងគ្រោងនឹងវាយតម្លៃឡើងវិញនូវការចុះបញ្ជីរូបិយប័ណ្ណគ្រីបតូប្រមាណ 600 ដែលត្រូវបានជួញដូរនៅលើវេទិកាជួញដូរក្នុងស្រុក។ គម្រោងរូបិយប័ណ្ណគ្រីបតូដែលមិនបានបំពេញតាមស្តង់ដារនឹងត្រូវបានកំណត់ថាជាសញ្ញាសម្គាល់ការជួញដូរព្រមាន ហើយបន្ទាប់មកនឹងត្រូវបានលុបចោល (Delist)។ វេទិកាជួញដូររូបិយប័ណ្ណគ្រីបតូចំនួន 29 ដែលបានរាយការណ៍ទៅអាជ្ញាធរហិរញ្ញវត្ថុ រួមមាន Upbit, Bithumb, Coinone, Korbit និង Gopax ត្រូវតែឆ្លងកាត់ការត្រួតពិនិត្យបឋមដើម្បីកំណត់ថាតើគួររក្សាការចុះបញ្ជីគម្រោងរូបិយប័ណ្ណគ្រីបតូទាំងអស់ដែរឬទេ។ ការពិនិត្យឡើងវិញដើម្បីរក្សាការចុះបញ្ជីនឹងត្រូវធ្វើឡើងរៀងរាល់បីខែម្តង សម្រាប់គម្រោងទ្រព្យសកម្មនិម្មិតដែលមិនបំពេញតាមស្តង់ដារ ដូច្នេះការលុបចេញចុះបញ្ជីគឺជៀសមិនរួច។ បន្ទាប់ពីព័ត៌មាននេះត្រូវបានចេញផ្សាយ ក៏មានបញ្ជីនៃ "គម្រោងដែលអាចត្រូវបាន Delist ចេញពី Exchange" បានផ្សព្វផ្សាយនៅលើប្រព័ន្ធផ្សព្វផ្សាយសង្គមកូរ៉េ ដោយលើកឡើងពី 16 Altcoins ដែលអាចត្រូវបានគេលុបចេញពី Exchange បានបណ្តាលឱ្យតម្លៃគម្រោងរូបិយប័ណ្ណគ្រីបតូទាំងនេះធ្លាក់ចុះពី 10% ទៅ 20% នៅក្នុងទីផ្សារ Upbit។ ខាង Exchange បានពន្យល់ថាការធ្លាក់ចុះទ្រង់ទ្រាយធំនេះគឺបណ្តាលមកពីការបកស្រាយហួសហេតុរបស់អ្នកវិនិយោគលើច្បាប់នាពេលខាងមុខ ហើយគេរំពឹងថាលទ្ធភាពនៃការលុបចោលទ្រង់ទ្រាយធំគឺទាបណាស់។

ស្តង់ដារចុះបញ្ជីរូបិយប័ណ្ណគ្រីបតូរបស់កូរ៉េខាងត្បូង ការពិនិត្យមើលបញ្ជីរូបិយប័ណ្ណគ្រីបតូរបស់ប្រទេសកូរ៉េខាងត្បូង និងស្ថាប័ន ត្រូវបានគេរំពឹងថានឹងពិនិត្យមើលទិដ្ឋភាពប្រាំបួនដូចខាងក្រោម៖ 1. ភាពដែលអាចជឿជាក់ទៅលើម្ចាស់គម្រោង 2. វិធានការការពារអ្នកប្រើប្រាស់ 3. បច្ចេកវិទ្យា និងប្រព័ន្ធសុវត្ថិភាព 4. ការអនុលោមតាមច្បាប់ និងបទប្បញ្ញត្តិ 5. សមត្ថភាព ឥណទានសង្គម និងការអភិវឌ្ឍន៍អង្គភាពពាក់ព័ន្ធ 6. ការលាតត្រដាងព័ត៌មានសំខាន់ៗ៖ រួមមានប្រវត្តិប្រតិបត្តិការកន្លងមក លទ្ធភាពនៃអ្នកកាន់កាប់ដែលចូលរួមក្នុងការសម្រេចចិត្តទៅលើគម្រោង តម្លាភាពនៃប្រតិបត្តិការ។ល។ 7. លទ្ធភាពនៃជម្លោះផលប្រយោជន៍ និងវិធានការដោះស្រាយ៖ រួមមានទំនាស់ផលប្រយោជន៍ជាមួយអ្នកកាន់កាប់ និងអ្នកប្រើប្រាស់ និងថាតើមានវិធានការដោះស្រាយដែរឬទេ។ 8. សុវត្ថិភាព និងហានិភ័យនៃ Centralized 9. គម្រោងរូបិយប័ណ្ណត្រូវបានជួញដូរជាធម្មតាលើសពីពីរឆ្នាំនៅក្នុងទីផ្សារជាមួយនឹងប្រព័ន្ធនិយតកម្មដែលបានបង្កើតឡើងយ៉ាងល្អ (ដូចជាសហរដ្ឋអាមេរិក ចក្រភពអង់គ្លេស និងជប៉ុន ជាដើម)។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap