Brand ប្រណិតរបស់ប្រទេសបារាំង Louis Vuitton បានបោះជំហានបន្ទាប់នៅក្នុង Web 3.0 ដោយដាក់ចេញនូវស៊េរីនៃ NFTs ដែលដាក់ឈ្មោះថា "Treasure Trunks" ដែលត្រូវបានរចនាឡើងដើម្បីផ្ដល់ជូនដល់អតិថិជនលំដាប់ខ្ពស់។ "Treasure Trunks" មានតម្លៃប្រហែល $41,712 (€39,000) នីមួយៗ ហើយមានចំនួនត្រឹមតែពីរបីរយ NFTs ប៉ុណ្ណោះ។

ស៊េរីនៃ NFTs នេះត្រូវបានបំផុសគំនិតដោយវ៉ាលី Trunks របស់ Louis Vuitton ហើយ NFT នីមួយៗបានភ្ជាប់មកជាឈុតវ៉ាលី Louis Vuitton ​​​ដែលអាចមានតម្លៃរាប់ម៉ឺនដុល្លារ។ ចាប់ពីខែសីហា សម្រាប់អ្នកដែលមានសិទ្ធិក្នុងការទិញស៊េរីនៃ NFTs "Treasure Trunks" ហើយបានរស់នៅក្នុងសហរដ្ឋអាមេរិក កាណាដា ចក្រភពអង់គ្លេស បារាំង អាល្លឺម៉ង់ ជប៉ុន និងអូស្ត្រាលី អាចចុះឈ្មោះក្នុងបញ្ជីរង់ចាំបាន។ ក្នុងសប្តាហ៍បន្ទាប់ LV នឹងជ្រើសរើសក្នុងចំណោះអ្នកដែលបានចុះឈ្មោះក្នុងបញ្ជី អនុញ្ញាត្តអោយពួកគាត់ទិញ Treasure Trunks ជាមួយនឹងរូបិយប័ណ្ណគ្រីបតូ ឬជាលុយសុទ្ធនៅលើគេហទំព័ររបស់ LVដោយផ្ទាល់។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap