តម្លៃ Bitcoin ថ្មីៗនេះបានជួបប្រទះការកើនឡើងគួរឱ្យកត់សម្គាល់ដោយឈានដល់ $ 68,000 ប៉ុន្តែបន្ទាប់មកបានធ្លាក់ចុះយ៉ាងខ្លាំងនៅចុងខែកក្កដានិងដើមខែសីហា។ ទោះ​ជា​យ៉ាង​ណា បើ​ទោះ​បី​ជា​តម្លៃ​ធ្លាក់​ចុះ​ក៏​ដោយ វិនិយោគិន ជាពិសេសត្រីបាឡែន (Whale) ដែលកាន់កាប់ Bitcoin យ៉ាងច្រើន នៅតែមានទំនុកចិត្តលើទីផ្សារ និងបន្តប្រមូលទិញ Bitcoin បន្ដែម។

ទំនុកចិត្តវិនិយោគិនទៅលើ Bitcoin ទោះបីជាតម្លៃ Bitcoin ធ្លាក់ចុះពី $68,000 ក៏ដោយ ទីផ្សារនៅតែបង្ហាញពីសក្តានុពលកើនឡើងខ្លាំង។ វិនិយោគិនត្រីបាឡែនបន្តរក្សា និងប្រមូលទិញ Bitcoin កំឡុងពេលតម្លៃធ្លាក់ចុះ ដោយបង្ហាញពីទំនុកចិត្តរបស់ពួកគេចំពោះចលនាតម្លៃនាពេលអនាគត។ ទិន្នន័យបង្ហាញពីការកើនឡើងជាលំដាប់នៃចំនួនអាសយដ្ឋានកាបូបដែលមានចន្លោះពី 100 ទៅ 1,000 Bitcoin ដែលជាធម្មតាជាសញ្ញាវិជ្ជមាននៃការស្ទុះងើបឡើងវិញនៃតម្លៃ។ វិនិយោគិនទាំងនេះមានឥទ្ធិពលយ៉ាងសំខាន់ទៅលើចលនាតម្លៃរបស់ Bitcoin ។ ការប្រមូលផ្តុំរក្នុងទិញចូលរបស់ពួកគេជារឿយៗបង្កឱ្យមានការកើនឡើងតម្លៃ ខណៈពេលដែលការលក់របស់ពួកគេនឹងនាំទៅរកការធ្លាក់ចុះយ៉ាងខ្លាំង។ ទីផ្សារជាធម្មតាមានការសង្ស័យចំពោះនិន្នាការធ្លាក់ចុះរបស់ Bitcoin ប៉ុន្តែយ៉ោងតាមទិន្នន័យ MCA របស់ Bitcoin បានបន្តកើនឡើងចាប់តាំងពីចុងខែឧសភា ដោយបង្ហាញថាវិនិយោគិនចាប់អារម្មណ៍លើ HODLing ជាងការលក់។ ការកើនឡើងនូវទិន្នន័យ MCA បង្ហាញពីការបង្កើនទំនុកចិត្តទីផ្សារ ហើយវិនិយោគិនមានសុទិដ្ឋិនិយមចំពោះនិន្នាការនាពេលអនាគត។

ទស្សនវិស័យតម្លៃ Bitcoin ដោយពិចារណាលើកត្តាទាំងនេះ ការធ្លាក់ចុះបច្ចុប្បន្នរបស់ Bitcoin ប្រហែលជាមិនមែនជា 'Dead Cat Bounce' នោះទេ។ Bitcoin បច្ចុប្បន្នកំពុងជួញដូរនៅ $ 58,740 ហើយប្រសិនបើវាអាចរក្សាតម្លៃបាននៅកម្រិតគាំទ្រ (Support) នៅ $ 58,390 អាចនឹងមានការងើបឡើងវិញដល់ $ 61,000 ឬអាចកើនឡើងបន្ថែមទៀតដល់ $ 65,200 ។ ទោះជាយ៉ាងណាក៏ដោយ បើសិន Bitcoin មិនអាចរក្សារតម្លៃនៅកម្រិតគាំទ្រ (Support) នេះអាចនឹងមានការធ្លាក់ចុះពី $54,600 ដល់ $50,000 ។

សរុបសេចក្តី ទោះបីជាមានការប្រែប្រួលតម្លៃ Bitcoin នាពេលថ្មីៗនេះក៏ដោយ ក៏ទំនុកចិត្តទីផ្សារនៅតែមាន។ វិនិយោគិន ជាពិសេសអ្នកកាន់កាប់ Bitcoin ចំនួនធំ បន្តមានសុទិដ្ឋិនិយមលើការរំពឹងទុករយៈពេលវែងរបស់ Bitcoin ។ ប្រសិនបើតម្លៃអាចរក្សាកម្រិតគាំទ្រសំខាន់ៗ ការកើនឡើងបន្ថែមទៀតអាចនឹងមានការកើតឡើង។

រូបភាពបន្ថែម ៖

ប្រភព: beincrypto

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap