ហេតុអ្វីបានជារូបិយប័ណ្ណគ្រីបតូត្រូវបានចាត់ទុកថាជា "មូលបត្រ" ដោយ គណៈកម្មការមូលបត្រអាមេរិក (SEC)? តើអ្វីជាស្តង់ដារនៃការវិនិច្ឆ័យរបស់ពួកគេ? អត្ថបទនេះចាប់ផ្តើមជាមួយនឹងប្រវត្តិនៃការអភិវឌ្ឍន៍ច្បាប់មូលបត្ររបស់សហរដ្ឋអាមេរិក ហើយពន្យល់អំពីស្តង់ដារគុណភាពដ៏សំខាន់បំផុតសម្រាប់មូលបត្រនៅក្នុងមូលបត្រ—ការធ្វើតេស្ត Howey (Howey Test) ដែលផ្តល់នូវឯកសារយោងសម្រាប់ការវិនិច្ឆ័យថាតើរូបិយប័ណ្ណគ្រីបតូផ្សេងៗទៀតមួយណានឹងត្រូវបានចាត់ទុកជាមូលបត្រ។ ការធ្វើតេស្ត Howey គឺជាស្តង់ដារមួយដែលត្រូវបានប្រើប្រាស់ដំបូងគេនៅក្នុងសំណុំរឿង SEC ប្ដឹង ក្រុមហ៊ុន Howey (SEC v. WJ Howey Co.) ដែលតុលាការកំពូលសហរដ្ឋអាមេរិកបានបើកសវនាការក្នុងឆ្នាំ 1946 ដើម្បីកំណត់ថាតើប្រតិបត្តិការជាក់លាក់ណាមួយដែលជាប្រភេទមូលបត្រ។

ខាងក្រោមនេះជាលក្ខខណ្ឌក្នុងធ្វើតេស្ដ Howey បើសិនប្រតិបត្តិណាមួយមាននៅក្នុងលក្ខខណ្ឌខាងក្រោមនេះ នឹងត្រូវបានគេចាត់ទុកជាមូលបត្រ ៖ (1) លក្ខខណ្ឌទីមួយ ៖ ការវិនិយោគជាសាច់ប្រាក់（Investment of Money）លក្ខខណ្ឌនេះមានន័យថាអ្នកទិញ ឬអ្នកវិនិយោគផ្តល់មូលនិធិដល់ម្ចាស់គម្រោងក្នុងទម្រង់ជាសាច់ប្រាក់ណាមួយ។ (2) លក្ខខណ្ឌទីពីរ ៖ វិនិយោគក្នុងបុព្វហេតុរួម（Common Enterprise） (3) លក្ខខណ្ឌទីបី ៖ ការរំពឹងទុកមុននៃប្រាក់ចំណេញប្រាក់នៃការវិនិយោគ（Expectation of Profit） (4) លក្ខខណ្ឌទីបួន ៖ ប្រាក់ចំណូលបានមកពីការខិតខំរបស់អ្នកដទៃ（Derived From The Efforts of Others） សរុបមកក្នុងធ្វើតេស្ដ Howey គេបាននិយាយអំពី ៖ អ្នកវិនិយោគ បានវិនិយោគជាសាច់ប្រាក់ទៅលើគម្រោងមួយ ហើយទទួលបានផលចំណេញពីគម្រោងមួយនេះ ប៉ុន្ដែអ្នកវិនិយោគអត់បានចូលរួមក្នុងការគ្រប់គ្រង ឬអភិវឌ្ឍគម្រោងនេះដោយផ្ទាល់ទេ គឺម្ចាស់គម្រោងជាអ្នកអភិវឌ្ឍគម្រោងមួយនេះដោយខ្លួនឯងផ្ទាល់រហូតដល់តែគម្រោងមួយនេះទទួលបានផលចំណេញ។ ដូច្នេះទង្វើនៃការវិនិយោគបែបនេះត្រូវបានខាងគណៈកម្មការមូលបត្រអាមេរិក (SEC) ចាត់ទុកជាកិច្ចសន្យាវិនិយោគ-ប្រភេទមូលបត្រ។ ======================================= នៅថ្ងៃទី 3 ខែមេសា ឆ្នាំ 2019 គណៈកម្មការមូលបត្រអាមេរិក (SEC) បានចេញផ្សាយក្របខ័ណ្ឌវិភាគសម្រាប់កិច្ចសន្យាវិនិយោគទ្រព្យសម្បត្តិគ្រីបតូដោយផ្អែកលើការធ្វើតេស្ត Howey ដោយផ្តល់នូវការណែនាំផ្លូវការសម្រាប់ការវិនិច្ឆ័យថាតើរូបិយប័ណ្ណ គ្រីបតូមួយណាជាមូលបត្រ។ SEC បានជឿជាក់ថាភាគច្រើននៃរូបិយប័ណ្ណគ្រីបតូបច្ចុប្បន្ននៅលើទីផ្សារត្រូវនឹងលក្ខណៈវិនិច្ឆ័យពីរខាងលើ "ការវិនិយោគជាសាច់ប្រាក់" និង "ការរកប្រាក់ចំណូលបានមកពីការខិតខំរបស់អ្នកដទៃ"។

ប្រភព: investopedia

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap