យោងតាម CryptoSlate នៅថ្ងៃទី ១៣ ខែកុម្ភៈ ក្រុមហ៊ុន SBC Medical Group Holdings បានប្រកាសផែនការវិនិយោគទឹកប្រាក់ ១ ពាន់លានយ៉េន (ប្រមាណ ៦,៧ លានដុល្លារ) លើ Bitcoin។ ការសម្រេចចិត្តនេះធ្វើឡើងក្នុងគោលបំណងពង្រែងទ្រព្យសកម្ម និងការពារប្រឆាំងនឹងអតិផរណា។ ក្រុមហ៊ុនជឿជាក់លើសក្តានុពលកំណើនតម្លៃរយៈពេលវែងរបស់ Bitcoin ដោយសារការផ្គត់ផ្គង់មានកម្រិត និងការទទួលយកកាន់តែទូលំទូលាយជាសកល។ ការទិញនេះនឹងត្រូវអនុវត្តដោយក្រុមហ៊ុនបុត្រសម្ព័ន្ធអាមេរិករបស់ SBC Medical តាមរយៈវេទិកា Coinbase ដោយគ្រោងបញ្ចប់រវាងខែកុម្ភៈ ដល់ខែឧសភា ឆ្នាំ២០២៥។ ក្រុមហ៊ុនបានបញ្ជាក់ថា បានពិចារណាយ៉ាងម៉ត់ចត់លើកត្តាសំខាន់ៗដូចជា គណនេយ្យ ពន្ធដារ និងសន្តិសុខអនឡាញ។ និន្នាការវិនិយោគលើ Bitcoin កំពុងរីករាលដាលក្នុងចំណោមក្រុមហ៊ុនជប៉ុន។ ក្រុមហ៊ុន Metaplanet បានប្រមូលទិញ ១,៧៦២ BTC (ប្រមាណ ១៨៥ លានដុល្លារ) ចាប់តាំងពីខែមេសា ឆ្នាំ២០២៤ ដែលជំរុញឱ្យតម្លៃភាគហ៊ុនរបស់ខ្លួនកើនឡើង ៣,៥០០% ក្នុងមួយឆ្នាំ។ ក្រុមហ៊ុនមានគម្រោងបង្កើនការកាន់កាប់ដល់ ២១,០០០ BTC ត្រឹមឆ្នាំ២០២៦ ដែលនឹងធ្វើឱ្យខ្លួនក្លាយជាអ្នកកាន់កាប់ Bitcoin ធំជាងគេមួយក្នុងពិភពលោក។

ខ្លឹមសារនៃគេហទំព័រនេះគឺសម្រាប់តែការចែករំលែកព័ត៌មាន និងចំណេះដឹងតែប៉ុណ្ណោះ ពួកយើងមិនធ្វើការផ្សព្វផ្សាយ ឬគាំទ្រសកម្មភាពប្រតិបត្តិការ និងការវិនិយោគណាមួយឡើយ។

- Camboswap